Փողը պարզապես փոխանակման միջոց չէ, այն հաճախ դառնում է մեր հոգեբանության և կյանքի նկատմամբ վերաբերմունքի հայելին: Կան մարդիկ, ովքեր կարողանում են հեշտությամբ տնօրինել ֆինանսը, և կան մարդիկ, ովքեր բախվում են մեծ խնդիրների և ֆինասական ծանր բեռն իրենց ուսերին գնում են ամբողջ կյանքի ընթացքում: Այս հոդվածում մենք կանդրադառնանք հոգեբանական գործոններին, որոնք կարող են հանգեցնել փողի հետ անառողջ հարաբերություններին:
Մանկություն և կրթություն
Շատերն ասում են, որ մեր խնդիրների արմատը մանկությունն է, ավելի կոնկրետ՝ դաստիարակությունը: Ծնողները մեծ դերակատարում ունեն փողի նկատմամբ երեխայի վերաբերմունքի ձևավորման գործում: Եթե ընտանիքում գնահատվում է ֆինանսական ժուժկալությունն ու խնայելը, ապա, ամենայն հավանականությամբ, երեխան կժառանգի այդ սովորությունները: Այնուամենայնիվ, եթե փողը ընկալվում է որպես սթրեսի կամ լարվածության աղբյուր, ապա դա ապագայում կարող է հանգեցնել բացասական ասոցիացիաների:
Էմոցիոնալ ֆոն
Հաճախ գնումներ կատարելիս աշխատում է, ոչ թե մարդու ուղեղը, այլ ակտիվ գործի են անցնում էմոցիաները, օրինակ՝ վախը, ագահությունը, դժգոհությունը կամ սթրեսը: Օրինակ՝ մարդիկ կարող են գումար ծախսել գնումների վրա, երբ տխուր են կամ միայնակ՝ ձգտելով լրացնել զգացմունքային դատարկությունը։
Սոցիալական կարգավիճակ
Ոմանք իրենց արժեքը և հաջողությունը չափում են նյութական ձեռքբերումներով և սպառումներով: Օրինակ՝ մեկը գնել է թանկարժեք մեքենա, մյուսը՝ ամենաթանկ հեռախոսը և այլն: Սա երբեմն «կործանարար» կարող է լինել, քանի որ մարդն ընկնում է ազարտի մեջ: Եթե իրեն չի պատում թանկարժեք իրերով, նաև կորցնում է իր արժեքն ու հաջողությունը:
ֆինանսական գրագիտության բացակայություն
Փողը տնօրինելու մասին գիտելիքների բացակայությունը կարող է հանգեցնել վատ սովորությունների և պարտքերի կուտակման: Բյուջեի, ներդրումների և պարտքի կառավարման մասին հասկանալու բացակայությունը կարող է ստեղծել ֆինանսական խնդիրների շրջապտույտ:
Փողը կորցնելու վախ
Կարելի է նաև հանդիպել այնպիսի իրավիճակների, երբ մարդը վախենում է կորցնել ֆինանսների նկատմամբ կառավարումը: Դառնում է ժլատ և վախենում է ավել ծախս անել: Սկսում է կենտրոնանալ գումարի վրա և միայն կուտակել:
Այնուամենայնիվ, այս գործոնները ճանաչելն ու աշխատելը կարող են օգնել ձեզ զարգացնել ավելի առողջ ֆինանսական սովորություններ:
Ֆինանսական գրագիտության մասին նյութեր այստեղ կգտնեք՝ https://e-money.am/money-guru/
