Ներդրումների տեսակներն իմանալն ու դրանք ճիշտ կիրառելը ֆինանսում կարող է ապահովության բարձիկ դառնալ:
Այսօր արդեն ներդրումներ կատարելը անխուսափելի պահանջ է: «Բարձի տակ» գումար պահելը կարող է ամենավատ որոշումը լինել: Ինֆլացիայի հաշվին առձեռն գումարի արժեքը դառնում է չնչին: Եվ այս պարզ պատճառով էլ ներդրումների մասին որքան շատ գիտելիք, այնքան ավելի կարելի է լինել ֆինանսապես գրագետ: Ներդրումները կարող են օգել Ձեզ դառնալ ֆինանսապես անկախ:
Կան ներդրումների տարբեր տեսակներ, որոնք ավելի թեորեական են և առօրեական կյանքում քիչ կիրառելի: Այն ավելի շատ անհրաժեշտ է մասնագետներին, իսկ մենք կդիտարկենք այն եսակները, որոնք անհրաժեշտ են և օգտակար առօրյա կյանքում:
Ներդրումների տեսակներն են՝ իրական և ֆինանսական
Իրական ներդրումներ
Այս տեսակն իր հերթին բաժանվում, է երկու ենթատեսակի՝ նյութական և ոչ նյութական
Նյութական ներդրումն այն տեսակն է, երբ անձը ձեռք է բերում որևէ ակտիվ: Այն կարող է լինել բնակարան, հողատարացք, թանկարժեք մետաղադրամ, արժույթ, թանկարժեք առարկաներ: Եթե որևէ մեկը արվեստի սիրահար է, կարող է գնել հայտնի նկարչի սիրելի գործը և այլն:
Ոչ նյութական ներդրումն այն է, երբ մարդը գումար է ծախսում կրթության վրա, կամ ունի մտավոր սեփականություն, որի հեղինակային իրավունքները կարող է վաճառել և գումար վաստակել: Ոչ նյութական ներդրումի մեջ է մտնում նաև գործարար համբավը և այլն:
Ֆինանսական ներդրումներ
Ֆինանսական ներդրումները ներդրումներ են ֆինանսական գործիքներում՝ արժեթղթեր, բանկային ավանդներ, փոխառություններ, կազմակերպությունների կանոնադրական կապիտալում բաժնետոմսերի գնում և այլն։
Ներդրումները տարբերվում են մասնակցության աստիճանից: Այս մասին արդեն կպատմենք մեր հաջորդ հոդվածում:
Մի քանի հոդվածներ, որ կարող են հետաքրքրել Ձեզ՝
Ի՞նչ է Ֆինանսական գրագիտությունը և ինչո՞ւ է կարևոր
«Տոքսիկ» հարաբերություններ ֆինանսի հետ
