Հայաստանում պարտքերի մասին հաճախ կարելի է լսել նման արտահայտություններ, «պարտքերից աչք չեմ կարող բացել» կամ «պարտքերի տակ թաղված եմ»: Մենք առանձնացրել ենք մի քանի կետեր, որոնք կօգնեն Ձեզ ավելի գրագետ կառավարել պարտքերը և չհայտնվել պարտքերի թակարդում:
Գրագետ ֆինանսական որոշումների ընդունում
Նախքան պարտք անելը՝ մանրամասն ուսումնասիրեք շուկան: Եթե որոշել եք վարկ վերցնել, ընտրեք այն, ինչ Ձեզ այդ պահին անհրաժեշտ է և համապատասխան: Մանրամասն հետազոտեք բանկերի և վարկային կազմակերպություննների վարկերի առաջարկները: Համեմատեք առաջարկվող տոկոսադրույքները:
Ֆինանսական վիճակի գնահատում
Բյուջետավորում
Բյուջեի ստեղծումը պարտքի արդյունավետ կառավարման առանցքային քայլ է: Սա թույլ է տալիս որոշել ձեր ընթացիկ ֆինանսական վիճակը՝ հաշվի առնելով ձեր եկամուտներն ու ծախսերը: Բյուջեի պլանավորումը անհրաժեշտ է կանոնավոր կերպով վերանայել: Հասկանալ՝ կան արդյոք նոր եկամուտներ կամ ինչպիսի ծախսերը կարելի է կրճատել: Ուշադիր եղեք ինֆլացիային, պլանավորեք ամեն քայլը և գնումը: Այսպիսով նաև կկարողանաք հասկանալ, թե պարտքի մարման համար որքան հավելյալ գումար կարող եք տրամադրել:
Պարտքի բեռի վերլուծություն կատարեք
Պարտքի վերլուծությունը ներառում է ձեր բոլոր ընթացիկ պարտավորությունների ուսումնասիրությունը՝ պարտքի գումարները, տոկոսադրույքները, մարման ժամկետները և նվազագույն ամսական վճարումները: Սա օգնում է ձեզ հասկանալ, թե որ պարտքերն են առաջնահերթ: Պետք է հենց այդ պարքերը մարել: Ըստ այդմ կարող եք կազմել պարտքերի մարման ռազմավարություն՝ ընդհանուր պարտքի բեռը նվազեցնելու համար:
Մշակեք պարտքի մարման ռազմավարություն
Այս մի քանի հնարները կօգնեն պարտքերը մարելու հարցում: Կարող եք ընտրել Ձեզ համապատասխանը:
Պարտքի առաջնահերթություն
Սկսեք մարել ամենաբարձր տոկոսադրույքներով պարտքերը, քանի որ դրանք երկարաժամկետ հեռանկարում կարող են ձեզ ավելի թանկ արժենալ: Սա կօգնի նվազեցնել ձեր ընդհանուր տոկոսային ծախսերը և արագացնել ձեր ճանապարհը դեպի ֆինանսական ազատություն: Սակայն, եթե չեք սիրում երկար սպասել և արագ արդյունք ու մոտիվացիա է անհրաժեշտ օգտագործեք ձնագնդի մեթոդը:
Ձնագնդի մեթոդ
Ձնագնդի մեթոդն ընտրելիս առաջնահերթությունը պետք է սկսել ամենափոքր պարտքը մարելուց, հետո անցեք հաջորդ ամենամեծին և այլն: Այս մոտեցումը կարող է մեծացնել մոտիվացիան: Երբ նկատեք, որ որևէ վարկ արդեն վճարել եք, կարող եք անցնել մյուս վարկը կամ պարտքը փակելուն: Սա կօգնի բարելավել ձեր ֆինանսական վիճակը:
Վերաֆինանսավորում
Վերաֆինանսավորումը կարող է օգտակար լինել ձեր պարտքերի ընդհանուր տոկոսադրույքները նվազեցնելու համար: Քանի որ ձեր վարկային հաշիվը բարելավվում է կամ շուկայական պայմանները փոխվում են, դուք կարող եք անցնել վարկերի կամ վարկային քարտերի ավելի ցածր տոկոսադրույքների, ինչը կնվազեցնի ձեր ամսական վճարումները և պարտքի ընդհանուր արժեքը:
Նոր պարտքերի կանխարգելում
Ձեր եկամուտներից փորձեք խնայողություններ կատարել: Համացանցում հաճախ նշվում է եկամուտի 15 տոկոսի մասին: Սակայն Դուք կարող եք շատ քիչ խնայել: Դա կօգնի ֆինանսական բարձիկ ունենալ և ապահովել կայուն ֆինանսական ապագա: Եթե ունենաք խնայած գումար, կարող է օգնել այն հետագայում անգամ պարտք անելու դեպքում ավելի քիչ վերցնել: Որքան քիչ ֆինանսական բեռ, այնքան ավելի հեշտ է դրանից ազատվելը:
Կրթություն և խորհրդատվություն
Ֆինանսական գրագիտության կրթությունը առանցքային դեր է խաղում պարտքերի կառավարման գործում: Ֆինանսական սկզբունքներն ու ռազմավարությունները սովորելը, ֆինասնական խարդախություններից խուսափելը, ինչպես նաև ֆինանսական խորհրդատուների հետ խորհրդատվությունը կարող են օգնել ձեզ մշակել անհատականացված ռազմավարություն՝ ձեր պարտքը կառավարելու և ձեր ֆինանսական նպատակներին հասնելու համար:
Տե՛ս նաև Գումար հավաքելու ճանապարհին հայտնված 5 թակարդները, Ի՞նչ է Ֆինանսական գրագիտությունը և ինչո՞ւ է կարևոր
