Ինչպե՞ս ընտրել մասնագիտություն

Մի պահ պատկերացրեք, որ աշխատում եք մի մասնագիտությամբ, որ լիովին համապատասխանում է ձեր անձնային որակներին, դուք աճում եք ոլորտում, դառնում հրաշալի և բարձր վարձատրվող մասնագետ: Ձեր մասնագիտությունը մոտիվացիա է տալիս և դուք ուզում եք անդադար աճել այդ ոլորտում: Պատկերացրի՞ք:

Իսկ ինչ, եթե արդեն կա հնարավորություն ընտրել հենց Ձեզ համապատասխան մասնագիտությունը: Մեր գործընկեր professions.am-ի շնորիվ դա արդեն հնարավոր է:

Մասնագիտության ընտրությունը ամենևին էլ հեշտ գործընթաց չէ:
Այն հիմնված է ոչ միայն մարդու հետաքրքրությունների, այլև նրա կարողությունների վրա:

Ինչո՞ւ է կարևոր մասնագիտական կողմնորոշումը

Հստակ նպատակ

մասնագիտական կողմնորոշումն օգնում է բացահայտել անձի ուժեղ կողմերը, նախասիրությունները և հետաքրքրությունները՝ օգնելով հասկանալ, թե ինչն է Ձեզ ոգեշնչում:

Բացահայտ ուղի

մասնագիտությունների լաբիրինթոսում խճճվելը հեշտ է, սեփական ուղին գտնելը՝ ամենաբարդը: Մասնագիտական կողմնորոշումը կօգնի ընտրել և վստահ գնալ Ձեզ համապատասխան ճանապարհով:

Սիրելի աշխատանք

վաստակեք ապրուստը՝ անելով մի բան, որը ձեզ հաճույք է պատճառում: Մասնագիտական կողմնորոշումը կօգնի ձեզ գտնել գործունեության այն տեսակը, որը համատեղում է գոհունակությունն ու հաջողությունը:

Ո՞ւմ դիմել, եթե չեք կողմնորոշվում

Կան հատուկ վերապատրաստում անցած հոգեբաններ, ովքեր հատուկ մշակված մեթդոներով իրականացնում են մասնագիտական կողմնորոշման խորհրդատվություն:

Մասնագիտական կողմնորոշման մասնագետները բացահայտում են անձի հետաքրքրությունների շրջանակը, նախասիրությունները, ուժեղ և թույլ կողմերը, անձնային առանձնահատկությունները, որակները, ինչպես նաև նշվում է մասնագիտությունների այն շրջանակը, որտեղ կարող է կայանալ անձը:

Թեստ

Կայքում կարող եք գտնել նաև Դիֆերենցիալ ախտորոշիչ թեստավորման մեթոդիկան: Այն օգտագործվում է մասնագիտական կողմնորոշումը գնահատելու համար՝ հիմնվելով տարբեր տեսակի գործունեության նկատմամբ անձի նախասիրությունների վրա:

Մեթոդաբանությունը հիմնված է մասնագիտությունների դասակարգման սխեմայի վրա։ Վերջինիս համաձայն` բոլոր մասնագիտությունները բաժանվում են խմբերի՝ ըստ աշխատանքի առարկայի.

• մարդ - բնություն
• մարդ - տեխնիկա
• մարդ - մարդ
• մարդ - նշան
• մարդ - գեղարվեստական պատկեր

Իր պարզության շնորհիվ այն կարող է օգտագործվել ինչպես մեծահասակների, այնպես էլ դեռահասների թեստավորման համար:

Տե՛ս նաև Ինչպե՞ս չսխալվել մասնագիտություն ընտրելիս, Ի՞նչ եք հարցնում Ձեր երեխային, երբ նա դպրոցից տուն է գալիս