Վարկը բավական արագ ներխուժեց մեր կյանք: Այսօր թե՛ բանկերը, թե՛ վարկային կազմակերպություններն առաջարկում են բազմազան ու բազմաձև վարկեր: Եվ որքան մեծ է ընտրությունը, այնքան դժվար է կողմնորոշվելը: Չկան հստակ կանոններ, որոնք կարող են բոլորին օգտակար լինել, բայց մենք առանձանցրել ենք 5 խորհուրդ, որոնք կարող են օգնել Ձեզ ընտրության հարցում:
Կատարե՛ք կառույցի գրագետ ընտրություն:
Առաջին հերթին ուսումնասիրեք շուկան և ընտրեք այն կառույցը, որտեղից ցանկանում եք ստանալ վարկը: Ուշադրություն դարձրեք, թե տվյալ կառույցը, որքան է հուսալի հաճախորդների համար: Ուսումնասիրեք նրանց կայքէջը, իրականացրած միջոցառումները, նորությունները: Վարկ վերցնելուց առաջ վստահ եղեք, որ բանկը չունի ֆինանսական խնդիրներ և հետագայում դժվարություններ չի առաջացնի:
Ընտրե՛ք վարկի տեսակը:
Վարկ ընտրելիս հստակ նպատակ դրեք, թե ինչու եք ուզում այդ գումարը և ինչպես եք այն օգտագործելու: Վարկ տրամադրող կառույցներն առաջարկում են նպատակային վարկեր՝ հիփոքթեքային, գյուղատնտեսական, սպառողական, ավտովարկեր և այլն: Ընտրելիս հաշվի առեք, թե որն է Ձեզ առավել ձեռնտու:
Իրականացրե՛ք համեմատական վերլուծություն:
Եթե արդեն ընտրել եք մի քանի կառույցներ, որոնք վստահելի են Ձեզ համար, կողմնորոշվել եք վարկի տեսակի հարցում, իրականացրե՛ք վարկի տոկոսների համեմատական վերլուծություն: Ձեզ առաջարկվող երկու տոկոսադրույքներից՝ փաստացի և անվանական, առավել կարևոր է փաստացի տոկոսադրույքը: Ուշադրություն դարձրե՛ք փաստացի տոկոսադրույքին: Մտածե՛ք ապագայի մասին, հաշվի առե՛ք ռիսկերը: Ձեր վերցրած գումարը պետք է Ձեզ շահավետ լինի:
Վերցրած գումարը պետք է աշխատի Ձեր օգտին:
Գումարը, որը վերցնում եք, անհրաժեշտ է վերադարձնել և վերադարձնել տոկոսներով: Արդյոք այն արդարացնելո՞ւ է սպասելիքները և Դուք հասնո՞ւմ եք Ձեր նպատակին: Կարդացե՛ք պայմանագիրը: Վարկ վերցնելիս ուշադրություն դարձրեք վարկային պայմանագրին, պարտադիր կարդացեք այն, և եթե կան հարցեր, դիմեք բանկ: Երբեմն անհրաժեշտ մանրամասների մասին կարող եք չիմանալ, որը Ձեզ կստիպեր չստորագրել:
Ձեզ տրամադրվում է ժամանակ, օգտագործեք այն: Ստորագրելով պայմանագիրը, Դուք դառնում եք պատասխանատու ստորագրության համար: Ուշադիր եղեք, թե ինչ եք ստորագրում: «e-money»-ն Ձեր որոնումները կդարձնի առավել արդյունավետ: Մեզ մոտ կարող եք գտնել գտնել բանկերի և վարկային կազմակերպությունների մասին ամբողջական ինֆորմացիան:
