Գրագետ նպատակ. SMART մեթոդ

Ի՞նչ է SMART -ը

SMART -ը տեխնիկա է, որն օգտագործվում է կոնկրետ և ամենակարևորը՝ հասանելի նպատակներն ու խնդիրները սահմանելու համար: Այն համարվում է ժամանակակից մոտեցում և շատ արդյունավետորեն է աշխատում, երբ այն կիրառվում է ճիշտ: Ֆինանսական գրագիտության կարևոր պայամններից է նպատակների սահմանումը, այս տեխնիկան կօգնի ավելի գրագետ այն կազմել:

SMART-ը հապավում է, որը նշանակում է՝ Հատուկ, Չափելի, Հասանելի, Համապատասխան, Ժամկետային սահմանափակում: SMART հապավումի յուրաքանչյուր տառ նշանակում է սահմանված նպատակների արդյունավետության չափանիշ: Եկեք ավելի մանրամասն քննարկենք SMART նպատակի յուրաքանչյուր չափանիշ:

Տե՛ս նաև՝ Փող. գործառույթներ, տեսակներ, Ֆինանսապես գրագետ մարդու 6 հատկանիշ

SMART հապավում

Հատուկ (կոնկրետ) (Specific)

SMART նպատակը պետք է լինի հստակ, պետք է  կոնկրետ նշել, թե ինչի եք ցանկանում հասնել ավարտին: Հետևյալ հարցերին պատասխանելը կօգնի ձեզ ձևակերպել կոնկրետ նպատակ: Հիշեք, այստեղ չի գործում մեկ զարկով՝ երկու նապաստակ խփելու կանոնը: Անհրաժեշտ է մեկ հստակ նպատակ դնել, եթե կան մի քանի նպատակներ, պետք է դրանք բաժանել մասերի:

• Ի՞նչ արդյունքի եմ ուզում հասնել նպատակն ավարտելով և ինչու:
• Ո՞վ է ներգրավված նպատակին հասնելու մեջ:
• Կա՞ն սահմանափակումներ կամ լրացուցիչ պայմաններ, որոնք անհրաժեշտ են նպատակին հասնելու համար:

Չափելի  (Measurable)

SMART նպատակը պետք է չափելի լինի: Նպատակ դնելու փուլում անհրաժեշտ է սահմանել կոնկրետ չափանիշներ՝ նպատակին հասնելու գործընթացը չափելու համար։ Իհարկե, հնարավոր է նպատակ դնել և ապրել մարսում, բայց պետք է նաև հասկանալ, որ դա մոտ ապագայում հնարավոր չէ անելՀետևյալ հարցերին պատասխանելը կօգնի ձեզ չափելի նպատակ դնել.

• Ե՞րբ պետք է հասնեմ նպատակիս:
• Ինչպես հասկանամ, որ հասել եմ նպատակիս, ի՞նչ ցուցանիշներ կան դրա համար:
• Ի՞նչ արժեք պետք է ունենա ցուցանիշը, որպեսզի նպատակը իրականացված համարվի:

Հասանելի  (Achievable) 

SMART նպատակները պետք է հասանելի լինել այն ժամանակահատվածի համար, որը նախատեսում եք, այն հնարարվորությունների համար, որ ունեք, այն ռեսուրսների համար, որ կարող եք ներդնել նպատակի իրագործման համար: Առաջադրանքի իրատեսական կատարումն ազդում է կատարողի մոտիվացիայի վրա: Եթե ​​նպատակը հասանելի չէ, ապա դրան հասնելու հավանականությունը կնվազի 0-ի: Նպատակի հասանելիությունը որոշվում է սեփական փորձի հիման վրա՝ հաշվի առնելով առկա բոլոր ռեսուրսներն ու սահմանափակումները:

Սահմանափակումները կարող են լինել՝ ժամանակի,  ռեսուրսները, ներդրումները, աշխատանքային ռեսուրսները, կատարողի գիտելիքներն ու փորձը, տեղեկատվության և ռեսուրսների հասանելիությունը, որոշումներ կայացնելու ունակությունը և նպատակը կատարողի համար կառավարման լծակների առկայությունը և այլն:

Համապատասխան  (Relevant) 

Այս չափանիշը օգնում է հեռացնել ավելորդ առաջադրանքները: Համապատասխան նպատակ է համարվում այն ​​նպատակը, որի ձեռքբերումը դրական ազդեցություն կունենա ընկերության հետագա առաջխաղացման և զարգացման վրա: Նման խնդիր դնելու համար կարեւոր է պատասխանել հարցերին՝

• ինչի՞ն է պետք այս արդյունքը
• ինչի՞ն է պետք հիմա
• ի՞նչ կտա

Ժամկետային սահմանափակում (Time bound)

Ժամկետային սահմանափակում (ժամկետով սահմանափակ): Նպատակը պետք է ժամանակին լինի։ Ուստի անհրաժեշտ է ժամանակային շրջանակ սահմանել։ Նպատակները կարող են լինել կարճաժամկետ, միջնաժամկետ և երկարաժամկետ: Ժամկետային ժամանակահատվածը կախված է նրանից, թե երբ պետք է հասնել արդյունքի և որքան ժամանակ կպահանջվի դրան հասնելու համար:

Եթե ​​բոլոր առաջադրանքները գնահատվեն այս հինգ չափանիշներից յուրաքանչյուրին համապատասխան, ապա վերջում դուք կունենաք հստակ և կոնկրետ ընթացք, որի հիման վրա կարող եք քայլ առ քայլ մշակել մարքեթինգային գործողությունների ծրագիր։

Տե՛ս նաև՝ Ակտիվ եկամուտներ. ինչպե՞ս ավելացնել, Ինչպե՞ս ավելացնել պասիվ եկամուտները

SMART նպատակների առավելությունները

SMART տեխնիկան օգնում է ստեղծել հստակ գործողությունների ծրագիր, հստակ մշակված պլան, փաստաթուղթ, որը ավելի պարտավորեցնող է: Փոքր հաջողությունների մասին նշումները կօգնեն ավելի մոտիվացված սկսել գործել, իսկ կարգապահությունը կօգնի պահպանել, թեկուզ դանդաղ, բայց կոնստանտ աճը:  SMART տեխնիկան օգնում է վերացնել անհամապատասխան նպատակները և խուսափել ռեսուրսների ավելորդ ծախսերից, նվազեցնում է սխալ ճանապարհով գնալու ռիսկը:

Տե՛ս նաև՝ Ֆինանսական խարդախություններ. որոնք են դրանք և ինչպես խուսափել