Ի՞նչ է տնտեսական ռեսուրսը
Տնտեսական ռեսուրս կարող ենք կոչել այն ամենը, ինչն օգտագործվում է(ծախսվում է) ապրանքների և ծառայությունների արտադրության գործընթացում: Այսինքն տարբեր նյութական և ոչ նյութական բարիքները, հումքը, բաղադրիչները կամ ակտիվները օգտագործվում են սպառողական ապրանքների արտադրության համար: Տնտեսական ռեսուրսները տնտեսագետները նաև անվանում են արտադրության գործոններ։
Տե՛ս նաև՝ Եկամուտ. տեսակները
Ռեսուրսներն ինչպե՞ս են ազդում տնտեսության վրա
Արտադրության գործոնները չափազանց մեծ նշանակություն ունեն երկրի տնտեսական գործունեության և տնտեսական զարգացման համար: Վերջիններիս առկայությունը և արդյունավետ օգտագործումը նպաստում է արտադրության մակարդակի բարձրացմանը։
Եթե եղած պաշարները լավ է կառավարվում, դա մեծ խթան է դառնում նոր աշխատատեղերի բացմանը: Մարդկանց կյանքի որակն է բարելավվում:
Ռեսուրսների դերը նաև մեծ է նորարության մեջ: Այն խթան է տեխնոլոգիական առաջընթացի համար. հետազոտություններն ու զարգացումը մեծապես կախված են դրանցից: Ինչը բերում է նոր գյուտերի և բարելավված արտադրական գործընթացների: Սա իր հերթին բարձրացնում է արտադրողականությունը և խթանում տնտեսական աճը։
Նրանք կարևոր դեր են խաղում ենթակառուցվածքների զարգացման գործում՝ տրանսպորտային ցանցեր, կրթական և առողջապահական հաստատություններ, հանրային ծառայություններ և այլն: Ներդրումներ ներգրավելու, առևտուրը հեշտացնելու և բնակչությանը հիմնական ծառայություններ մատուցելու համար անհրաժեշտ են համապատասխան ենթակառուցվածքներ: Ենթակառուցվածքների զարգացումը բարենպաստ պայմաններ է ստեղծում բիզնես վարելու համար և բարելավում է կյանքի ընդհանուր որակը։
Ռեսուրսների արդյունավետ օգտագործումը նպաստում է ընդհանուր աճին և կենսամակարդակի բարելավմանը:
Տե՛ս նաև՝ Փող. գործառույթներ, տեսակներ
Տնտեսական ռեսուրսների 4 տեսակները՝
-
աշխատանք
-
կապիտալ
-
հող
-
ձեռնարկատիրական հմտություններ
Տե՛ս նաև՝ Գրագետ նպատակ. SMART մեթոդ
Աշխատանք
Աշխատանքը մարդկանց ֆիզիկական և հոգևոր գործունեությունն է, որն ուղղված է կարիքները բավարարելու համար օգտակար արդյունք կամ եկամուտ ստանալուն. Այսինքն մարդը ներդնում է իր գիտելիքները, հմտությունները, ֆիզիկական հնարավորությունները, ջանք է թափում և օգտագործում իրեն տրված ժամանակը ու ժամանակը նյութական և ոչ նյութական բարիք ստեղծելու գործընթացում, օգտագործում է տարբեր գործիքներ, տեխնոլոգիաներ, սարքավորումներ, նորարաություններ:
Ընդունված է աշխատանքային գործունեությունը բաժանել ֆիզիկական և գերակշռող մտավոր:
Կախված կրթությունից և վերապատրաստումից, կան.
- դժվար աշխատանք (պահանջում է մեծ նախապատրաստություն և վերապատրաստում),
- աշխատանք, որը չի պահանջում լուրջ վերապատրաստում (հավաքման գծի աշխատող)
- աշխատանք, որը չի պահանջում որևէ վերապատրաստում (օժանդակ աշխատող):
Աշխատանքի օգտագործումն ունի 2 սահման.
- ֆիզիկական
- սոցիալական.
Մարդկային ռեսուրսների արժեքը հետևյալն է.
Հմուտ և մոտիվացված աշխատողները կարող են արդյունավետորեն օգտագործել այլ պաշարներ, ինչը հանգեցնում է արտադրության ծավալների ավելացման:
Մարդկային ռեսուրսները նորարարության և կրեատիվության աղբյուր են: Կրթության, վերապատրաստման և փորձի միջոցով մարդիկ ձեռք են բերում գիտելիքներ և հմտություններ, որոնք կարող են հանգեցնել նոր ապրանքների, տեխնոլոգիաների և գործընթացների զարգացմանը:
Նորարար գաղափարներ ունեցող մարդիկ կարող են ստեղծել նոր բիզնեսներ, որից էլ կառաջանան նոր աշխատատեղեր, և խթանել տնտեսական աճը։
Հմուտ և կրթված աշխատուժը բարձրացնում է երկրի մրցունակությունը համաշխարհային շուկայում: Բարձր որակավորում ունեցող աշխատողները իրենց երկիր են «բերում» օտարերկրյա ներդրումներ, ստեղծում կապեր դրսի շուկայի հետ, համագործակցում և ստեղծում աշխատատեղերի հնարավորություններ և նպաստում երկրի ընդհանուր տնտեսական զարգացմանը:
Կրթության և վերապատրաստման ծրագրերի միջոցով մարդկային կապիտալի զարգացմանն ուղղված ներդրումները բարելավում են աշխատուժի որակը:
Մարդկային կապիտալը բարձրացնում է տնտեսական ճկունությունը՝ հարմարվելով շուկայի փոփոխվող պահանջներին և տեխնոլոգիական առաջընթացին: Շարունակաբար կրթվելը, նոր գիտելիքներ ստանալը, վերապատրաստվելը աշխատողներին հնարավորություն են տալիս մնալ աշխատունակ և ճկուն լինել արագ զարգացող աշխարհում:
Մարդկային ռեսուրսները նպաստում են սոցիալական համախմբվածությանը և նպաստում են բազմազանությանը, ներառմանը և հավասար հնարավորություններին:
Եկամուտը, որ բերում է աշխատուժը կամ մարդկային ռեսուրսները, աշխատավարձն է։
Մեր հաջորդ հոդվածում կխոսենք արդեն մյուս երեք տեսակների մասին:
Ֆինանսական գրագիտության մասին մեր բոլոր հոդվածներն այստեղ՝ money-guru
