Կարելի է տարիներով երազել սեփական բնակարանի մասին, կամ արձակուրդը ծովում վայելելու, առաջին ավտոմեքենայի ղեկին նստելու կամ սիրելի երկրում հանգստանալու մասին: Եվ կարելի է սկսել իրագործել դրանք՝ սկսած այսօրվանից:
ՀՍՏԱԿԵՑՐԵՔ ՆՊԱՏԱԿԸ
Նպատակին հասնելու ամենակարևոր և դժվար քայլերից մեկը նպատակի հստակ սահմանումն է: Այս մի քանի խորհուրդները Ձեզ կօգնեն ավելի հստակ կազմել պլան:
Կոնկրետություն: Նկարագրեք նպատակը ամենայն մանրամասնությամբ և որքան հնարավոր է դետալային: Ենթադրենք ասում եք՝ «Ես ցանկանում եմ նոր ավտոմեքենա» սա նպատակի սահմանում չէ: Կոնկրետացրեք՝ ինչ մակնիշի, ինչ գույն և այլն:
Հասանելիություն: Նպատակին հասնելու համար կարևոր է հասկանալ, կարո՞ղ եք Ձեր նշած ժամկետներում իրագործել նպատակը: Ձեզ հարց տվեք՝ որքանով է իրատեսական իմ նպատակը և ինչ կարող եմ անել դրան հասնելու համար:
Համապատասխանություն: Մտածեք, արդյոք դա այն է, ինչին իրոք ձգտում եք, ինչին սպասում եք և որի մասին անգամ միտքը Ձեզ էներգիա է տալիս գործելու:
Հստակ ժամանակ: Հստակեցրեք ժամանակը՝ երբ եք ցանկանում հասնել Ձեր նպատակին կամ երբ եք պատկերացնում, որ կհասնեք Ձեր նպատակին:
ԿԱԶՄԵՔ ԳՈՐԾՈՂՈՒԹՅՈՒՆՆԵՐԻ ՊԼԱՆ
Նպատակին հասնելը պատկերացրեք մի ճանապարհ, որը անցնելու համար Ձեզ հնարավոր է շատ փորձություններ են սպասվում և ամենօրյա ջանք: Փորձենք ճանապարհը դարձնել ավելի հեշտ անցանելի:
Կազմեք ցուցակ: Գրեք առաջադրանքները, որոնք պետք է կատարվեն ձեր նպատակին հասնելու համար՝ ժամանակագրական կարգով: Մանրամասնեք յուրաքանչյուր առաջադրանք՝ այն բաժանելով փոքրերի: Ամենալավը փոքր և հեշտ կատարվող առաջադրանքներ հորինելն է, որոնցից յուրաքանչյուրի ավարտին կպահանջվի ոչ ավելի, քան կես ժամ: Հաջորդ, յուրաքանչյուր օրվա պլանը կազմվում է նման փոքր առաջադրանքներից:
Հուզական և ֆիզիկական այրումից խուսափելու համար կազմեք նաև պլան, թե ինչը կարող է Ձեզ խանգարել՝ հասնելու Ձեր ուզած արդյունքին հասնելու ճանապարհին: Նկարագրեք ամեն բան մանր դետալներով:
Նպատակին հասնելու ճանապարհին չմոռանաք հետևել Ձեր օրվա ռեժիմին, քնել, սնվել առողջ, հանգստանալ:
Մեր հաջորդ թեման կլինի ֆինանսական գրագետ պլանավորման մասին:
