Մեր նախորդ հոդվածում պատմել ենք, թե ինչպես ճիշտ և գրագետ ստեղծել նպատակ: Նպատակին հասնելու համար ինչպե՞ս պլանավորել բյուջեն:
Ամենամսյա գրաֆիկ: Եկամուտների և ծախսերի մանրամասն գրաֆիկ կազմեք: Որքա՞ն եք աշխատում ամեն ամիս: Ինչի՞ վրա եք ծախսում Ձեր եկամուտը: Լավ հիշողությո՞ւն: Դա մի կողմ թողեք: Այն ձեզ անհրաժեշտ չէ: Ֆիքսեք այն Ձեզ հարմար մի տեղում՝ թղթի վրա, հատուկ app-երում, exel ֆայլում:
Խորհուրդ. Խանութ այցելելուց առաջ պլանավորեք, թե ինչ եք գնելու և որքան գումար եք նախատեսել գնման համար: Գրեք հեռախոսի մեջ: Այդպիսով կխուսափեք իմպուլսիվ գնումներից:
Եկամուտներ: Պատահական, եկամուտների վրա մի՛ կենտրոնացեք, այն կարող է կեղծ հույսեր տալ: Ավելի լավ է բացի նմանատիպ եկամուտներից ունենալ երկարաժամկետ եկամուտ: Այն կօգնի պլաններ կազմելն ավելի հստակեցնել:
Ծախսեր: Կազմե'ք ծախսերի պլանն ըստ կարևորության: Դա կարող է լինել տան վարձը, այլ վարձավճարներ, կոմունալներ, վարկի տոկոսների վճար և այլն): Առանձին տեղ հատկացրեք առաջին անհրաժեշտության ապրանքներին՝ տրանսպորտ, սնունդ:
Խնայողություն: Պլանավորումն, իհա՛րկե, ավելի հեշտացնում է ֆինանսների կառավարումը, բայց երբեմն երբեմն անսպասելի ծախսերից խուսափել հնարավոր չէ: Հնարավորության դեպքում խնայեք գումար: Ստեղծե՛ք «անվտանգության բարձիկ» անախորժություններից խուսափելու համար:
Խորհուրդ: Ձեր խնայողությունը կարող է դառնալ նաև պասիվ եկամուտի աղբյուր: Այն ավանդ դրեք բանկում:
Կատարեք վերլուծություն: Անձնական բյուջեում ամեն ամսվա կտրվածքով հնարավոր են փոփոխություններ լինել: Ամեն ինչ արագ փոխվում է, ապրաքների գները տատանվում են: Մեր կարիքներն ու ցանկությունները նույնպես կարող են փոխվել: Հետևեք դրանց և կազմեք գրաֆիկն՝ ըստ Ձեր ցանկությունների և փոփոխվող աշխարհի:
Չմոռանաք պլանավորմա մեջ անպայման ավելացնել զվարճանքն ու հանգիստը և հետևել կազմած պլանին:
