Խնայել «սև օրվա» համար կամ հատուկ նպատակի, եկեք դրան պայմանական կոչենք «սպիտակ օր», դա որոշում եք Դուք: Ֆինանսական գրագիտության ոլորտի լավագույն մասնագետները կասեն, որ խնայողություն անելը պարտադիր է յուրաքանչյուրի համար: Իսկ ինչո՞ւ խնայել: Ձեզ համար առանձնացրել ենք մի քանի պատճառ:
Ինչո՞ւ խնայել
-
Առաջին հերթին այն կարող է ծառայել որպես «անվտանգության բարձիկ», երբ որևէ դժբախտ պատահար է տեղի ունեցել կամ շտապ անհրաժեշտ է բժշկական լուրջ միջամտություն
Կյանքը երբեք հարթ չի գնում: Եվ դժբախտությունները, հաճախ, մեզ հետ պատահում են անսպասելի, երբ մենք ամենից քիչն էինք պատրաստ, և դրսևորվում է ամենից անհավանական ձևերով: Խնայած գումարն այս դեպքում կարող է լինել փրկություն կամ փոքրիկ լույսի կտոր: -
Կատարել անհրաժեշտ և թանկարժեք գույքի գնում և վճարել կանխիկ
Ենթադրենք շարքից դուրս է եկել նոութբուքը, որով անհրաժեշտ է կատարել աշխատանքը, կամ ավտոմեքենան է փչացել: Խնայած գումարը հրաշալի հնարավորություն է ձեռք բերել Ձեզ անհրաժեշտ ապրանքը ավելի մատչելի: Ապառիկ գնելու դեպքում գումարն ավելանում է: Վչարել միանգամից և լինել ապահով, որ վարկի ամենամսյա վճարումները չեք մոռանա կատարել: -
Աշխատանքից դուրս գալու դեպքում լինել ապահով, որ հնարավորություն կա ապահովել ընտանիքի կամ սեփական բարօրությունը
Հնարավոր է՝ Դուք այնքան եք հոգնել Ձեր աշխատանքից և միջավայրից, որ միանգամից որոշում եք կայացնում: Գրում եք ազատ արձակման դիմումն ու դուրս գալիս: Հայաստանում աշխատանք գտնելը հնարավոր է, բայց բավական բարդ: Երբեմն աշխատանքի փնտրտուքները կարող են մի քանի շաբաթից մի քանի ամիս տևել: Եթե չունեք խնայած գումար, ապրելու համար պետք է պարտք անել հարազատներից: Կամ վերցնել վարկ: Կամ շարունակել աշխատել ոչ այնքան սիրելի պայմաններում, մինչև նոր աշխատանք գտնելը: Հավաքած գումարը հնարավորություն կտա ավելի ապահով լինել Ձեր կամ Ձեր ընտանիքի համար: -
Արձակուրդը վայելել երազած երկրում կամ երազած ձևով
Պատկերացրեք, որ վերցրել եք արձակուրդ և ցանկանում եք մեկնել հանգստի այն երկիր, որտեղ դեռ փոքր տարիքից երազել եք լինել: Ցանկանում եք այցելել վայրեր, որ տեսել եք համացանցում կամ փոքր տարիքում դիտած ֆիլմի նկարած գեղեցիկ տեսարանն եք ուզում տեսնել՝ իրական: Բարձրանալ լեռներ կամ սյորֆինգով զբաղվել: Արձակուրդում ժամանակը սուղ է: Խնայած գումարը կդառնա ժամանակի խանյողություն: Ձեզ կմնա կազմակերպչական հարցերով զբաղվել և չմտածել, թե որտեղից գտնել բավարար գումար՝ անելու այն, ինչ ուզում եք: -
Երեխայի ծնունդ կամ հղիություն
Փոքրիկի ծնունդը երջանկություն է ողջ ընտանիքի համար: Բայց երեխայի ծնունդին ֆինանսապես պատրաստ լինելը ամենակարևոր պայմաններից մեկն է: Կարևոր է, որ հղիության ընթացքում և հետո ընտրեք ամենալավ բժշկական հաստատությունը: Կատարեք հղիի համար ամենալավ խնամքը: Երեխայի համար գնեք հարմարավետ հագուստը, մանկասայլակը, կոշիկը և այլն: Նաև պետք է հաշվի առնել, որ աշխատող կանայք գնում են դեկրետ, և եկամուտը նվազում է: Խանայած գումարը երեխայի և հղիի խնամքի համար երբեք շատ չի լինում: -
Երեխայի ուսման վարձ
Երեխայի կրթությունն ու դաստիարակությունը նրա ապագայի հիմքն է: Լավ կրթությունը նաև «լավ» գումարներ է պահանջում: Ոչ բոլորը կարող են սովորել անվճար կամ ստանալ զեղչեր: Այսօր խնայած գումարը կարող է հրաշալի ներդրում լինել վաղվա համար: -
Բիզնես գաղափար կամ ստարտափ
Նորաթուխ բիզնես գաղափարները մշտապես պահանջում են ներդրումներ: Դա մի բարդ և դժվար ընթացք է: Երբ արդեն կա գաղափար և եկել է ժամանակն իրագործելու, անհրաժեշտ է բավարար չափով խնայած գումար ունենալ: Հետագայում այն մեծ ռիսկերից խուսափելու լավագույն գրավականն է:
Այս շարքը կարելի է անվերջ թվարկել, բայց միշտ կգտնվեն դեպքեր, երբ «ուղղակի անհնար էր խնայել», «հաջորդ ամիս կրկնակի գումար կդնեմ մի կողմ», «Դե չի ստացվում. ծախսերս շատ են»: Մեր հաջորդ հոդվածում կներկայացնենք այն «թակարդները», որոնք հայտնվում են մեր ճանապարհին և չեն թողնում խնայել գումար:
