Կոնվերս Բանկը Եվրոթերմ (Նոյան) ընկերության պարտատոմսերի տեղաբաշխողն է

Կոնվերս Բանկը կարևորում է ներդրումային բանկային ծառայությունների մշակման և զարգացման շնորհիվ ՀՀ ֆինանսական շուկայում նոր հնարավորությունների ստեղծումը:

Բանկը հայտարարում է Euroterm (Noyan) ընկերության պարտատոմսերի տեղաբաշխման մեկնարկի մասին: Գործընթաց, որը շնորհիվ մի կողմից կուժեղանա առաջատար տեխնոլոգիական ձեռնարկություններից մեկի տնտեսական ներուժը, մյուս կողմից Բանկի հազարավոր հաճախորդներ հնարավորություն կունենան Converse Mobile հավելվածով ներդրում կատարելու պարտատոմսերում։ Սա նշանակում է, որ պարտատոմսերում ներդրում կատարելը դառնում է ավելի հասանելի: Դրա համար բավարար է.

▪️ Հավելվածում ընտրել «+»
▪️ Ապա՝ «Կատարել ներդրում»
▪️ Հետևել հրահանգներին

Այս իրադարձությունը նշանակալի քայլ կլինի ֆինանսական այս գործիքի նկատմամբ վստահության բարձրացման և արժեթղթերի շուկայի զարգացման ուղղությամբ։

Սա բացառիկ հնարավորություն է ներդրողների համար՝ մեկտեղել հուսալի ֆինանսական գործիքում բարձր եկամտաբերությամբ ներդրման հնարավորությունն ու ժամանակակից տեխնոլոգիաների հարմարավետությունը:

Պայմաններն են.
▪️ Տեղաբաշխման մեկնարկ՝ 2023թ․ նոյեմբերի 28
▪️ Թողարկման ընդհանուր ծավալ՝ 500 մլն ՀՀ դրամ
▪️ Անվանական արժեք՝ 10․000 ՀՀ դրամ
▪️ Ձեռքբերման նվազագույն քանակ՝ 10
▪️ Արժեկտրոն՝ 12,5%
▪️ Մարման ժամկետ՝ 36 ամիս
Արժեկտրոնի վճարման պարբերականություն՝ կիսամյակային

Առավելություններն են.
Converse Mobile-ով դիմելու գործընթացը պարզ է և արագ,
Պարտատոմսերում ներդրումներ կատարել հնարավոր է ցանկացած պահի՝ անկախ Ձեր գտնվելու վայրից,
Սահմանված է պարտատոմսերի ձեռքբերման ցածր շեմ՝ նվազագույնը տասը հատ պարտատոմս՝ յուրաքանչյուրը 10,000 ՀՀ դրամ անվանական արժեքով։

Կոնվերս Բանկի համար «Եվրոթերմ» ընկերության հետ համագործակցությունը նշանակալի քայլ է ոչ միայն ներդրումային շուկայի զարգացման ուղղությամբ, այլև խնայողությունները դիվերսիֆիկացնելու շահավետ առաջարկ է մեր հաճախորդներին։