Գործարկվել է «Կանխիկացում MyAmeria-ով» ծառայությունը

Ameria-ն տեղեկացնում է, որ այսուհետ MyAmeria-ի օգտատերերը հնարավորություն ունեն իրենց կանխիկացումներն իրականացնելու նոր՝ «կանխիկացում MyAmeria-ով» ծառայության միջոցով։

Կանխիկացում հնարավոր է իրականացնել ինչպես քարտային, այնպես էլ ընթացիկ, խնայողական հաշիվներից։

MyAmeria-ի միջոցով կանխիկացում կատարելու համար անհրաժեշտ է՝

MyAmeria համակարգում ընտրել «Կանխիկացում առանց քարտի» գործարքը
Գործարքի էջում ընտրել ելքագրվող դրամային հաշիվը և ելքագրվող գումարի չափն ու հաստատել
Կանխիկացման կոդի ստեղծումից հետո` 15 րոպեի ընթացքում, մոտենալ Ամերիաբանկի բանկոմատին
Առանց քարտի գործարքներից ընտրել «Կանխիկացում MyAmeria»-ով հրահանգը և մուտքագրել կանխիկացման կոդը

Բանկի բանկոմատների ցանցին և բանկոմատների հասցեներին կարող եք ծանոթանալ Բանկի պաշտոնական կայքի Բանկոմատներ և վճարային տերմինալներ էջում։