ՏԵՂԵԿԱՑՈՒՄ

Հարգելի՛ հաճախորդ,


Վերջին շրջանում լայն տարածում են գտել խարդախության դեպքերը ներդրումների կամ բաժնետոմսերի վաճառքի միջոցով։ Զեղծարարները թիրախավորում են իրենց պոտենցիալ զոհին հաղորդակցության տարբեր հարթակներով (WhatsApp, Telegram, Messenger և այլն )՝ առաջարկելով նրանց նախ աշխատանք, ապա շահելով վստահությունը, խոստանում բարձր շահույթ՝ համապատասխան ներդրումներ կատարելու կամ բաժնետոմսեր գնելու եղանակով։ Գործարքն իրականացվում է վերջիններիս կողմից տրամադրված քարտային տվյալներին փոխանցում կատարելու տարբերակով։ Այս դեպքում զեղծարարները վաճառում են կեղծ, արժեք չունեցող կամ ուռճացված գին ունեցող բաժնետոմսեր, որի միակ նպատակը ներդրողների ֆինանասական միջոցներին տիրանալն է:

Կարևորելով Ինեկոբանկի քարտերով կատարվող գործարքների անվտանգությունը՝ ցանկանում ենք կիսվել մի շարք կարևոր խորհուրդներով, որոնք կօգնեն Ձեզ խուսափել նման զեղծարարությունների զոհ դառնալուց․

Չգայթակղվել այն առաջարկներով, որոնք խոստանում են անիրատեսական բարձր եկամուտ՝ ցածր ռիսկ ունեցող ներդրումների դիմաց
Զերծ մնալ բաժնետոմսեր գնելու նպատակով կասկածելի անձանց կամ կազմակերպություններին փոխանցումներ կատարելուց և դիտարկել ներդրումներ կատարելու հնարավորությունները բացառապես ՀՀ ԿԲ կողմից վերահսկվող ընկերություններում
Չտրամադրել տվյալներ կասկածելի անձանց, չանցնել կասկածելի հղումներով և չմուտքագրել քարտային տվյալները, ինչպես նաև 3D Secure կոդը անվստահելի հարթակներում
Հակառակ դեպքում Դուք կարող եք կորցնել ներդրված գումարները՝ առանց փոխհատուցման իրավունքի:

Ձեր անվտանգությունը մեզ համար բացարձակ առաջնահերթություն է։ Ուստի խնդրում ենք ցանկացած կասակածի դեպքում կապ հաստատել հաճախորդների աջակցման կենտրոնի հետ

InecoMobile համակարգի առցանց կապի միջոցով
+374 10 510 510 հեռախոսահամարով